Hindistonlik erkak yanglish qarori tufayli barmog‘ini kesib tashladi

Hindistonlik erkak yanglish qarori tufayli barmog‘ini kesib tashladi

Hindistonning Bulandshahr shahridan bo‘lgan 25 yoshli Pavan Kumar Hindistonda o‘tayotgan parlament saylovlarida yanglish tarzda boshqa partiyaga ovoz bergandan keyin ko‘rsatkich barmog‘ini kesib tashladi. Voqeadan keyin Kumar shifoxonaga yetkazilib, unga tegishli yordam ko‘rsatilgan.

Kun nashrida ta’kidlanishicha, Hindistonda saylovchilar ovoz bergach, ularning barmog‘ida o‘chmaydigan siyoh bilan belgi qoldiriladi.

Erkakning aytishicha, u Baxujan samaj parti ga ovoz bermoqchi bo‘lgan. Biroq u ovoz berish elektron qurilmasida tasodifan hukmron Bxaratiya janata parti ni tanlagan. Men filga ovoz bermoqchi edim, biroq yanglishib gulga ovoz berib yuboribman , deb aytgan saylovchi.

BBC telekanalining xabar berishicha, Baxujan samaj parti Hindistonda aholi tabaqalanishida eng past darajani egallovchi dalitlar manfaatlarini himoyalaydi. Kumarning o‘zi ham dalitlardan bo‘ladi.

Hindistonda apreldan maygacha parlament saylovlari bir necha bosqichda o‘tkazilmoqda. Mamlakatda yashovchi 1,3 mlrd kishidan 900 mln nafari ovoz berish huquqiga ega. Aholining aksariyat qismi savodsiz bo‘lgani sababli mamlakat saylov komissiyasi ishonchli usul fuqarolarga partiyalarni byulletenlarda taniy olish uchun grafik belgilar kiritishni o‘ylab topgan.


Matnda xatolik topsangiz, o‘sha xatoni belgilab, bizga jo‘nating (Ctrl + Enter)

Bo'limga tegishli qiziqarli xabarlar

Fikr bildirish uchun qaydnomadan o'tishingiz so'raladi va telefon rakamni tasdiklash kerak buladi!