Hasanboy Do‘smatov faoliyatini professional boksda davom ettiradi
2016 yilgi Rio Olimpiadasi chempioni Hasanboy Do‘smatov faoliyatini professional boksda davom ettiradi, deb yozadi GoSport.
Ta’kidlanishicha, Do‘smatov AQShda faoliyat olib boradi. U «Mir boksa« promouterlik kompaniyasi tarkibida janglarda ishtirok etadi.
Hasanboy Do‘smatov professional boksda o‘ta yengil (-50,80 kg) vazn toifasida faoliyat olib borishi kutilmoqda.
Ma’lumot uchun, ayni vaqtda «Mir boksa« promouterlik kompaniyasi bilan o‘zbekistonlik bir qator bokschilar, jumladan, Shahram G‘iyosov (8 ta g‘alaba, 6 ta nokaut), Murodjon Ahmadaliyev (6 ta g‘alaba, 5 ta nokaut) va Isroil Madrimov (3 ta g‘alaba, 3 ta nokaut) rasmiy shartnoma tuzgan holda faoliyat olib bormoqda. Bundan tashqari Bektemir Meliqo‘ziyev (1 ta g‘alaba, 1 ta nokaut) ham shu kompaniya qo‘l ostida mashg‘ulotlar olib boradi, ammo Meliqo‘ziyev va «Mir boksa« o‘rtasida shartnoma tuzilgani haqida rasmiy ma’lumotlar berilmagan.