O‘zbekiston yana Facebook’dan uzildi

O‘zbekiston yana Facebook’dan uzildi

2018 yil 16 sentyabr kuni taxminan soat 18:00 lardan boshlab O‘zbekistonda Facebook ijtimoiy tarmog‘i ishida yana uzilishlar kuzatilmoqda. Tarmoqqa to‘g‘ridan-to‘g‘ri ulanib bo‘lmayapti, foydalanuvchilar anonimayzerlar va VPN orqali bog‘lanish orqali sayt hamda ilovalarga ulanishmoqda.

Sentyabr oyi boshida ham ijtimoiy tarmoqqa O‘zbekistondan kirib bo‘lmay qolgan edi. 3 sentyabrda yuzaga kelgan muammo 12 sentyabrga kelibgina bartaraf bo‘lgandi.

Ijtimoiy tarmoqqa kirishda muammolar paydo bo‘lgach, foydalanuvchilar orasida Facebook O‘zbekistonda yopilgani to‘g‘risida taxminlar paydo bo‘lgan, biroq «O‘zbektelekom» bunday ehtimolni rad etib, Markaziy Osiyo va Shimoliy Yevropadagi boshqa mamlakatlarda ham shunday muammolar kuzatilayotganini rasmiy bayonot bilan ta’kidlab o‘tgan edi.

Facebook bir haftadan ko‘proq muddat ishlamaganiga shundan boshqa izoh berilmadi.

Qayd etish kerakki, Facebook’ga ulanish borasida muammolar boshlangach, O‘zbekistondagi Android va iOS qurilmalari egalari VPN dasturlarini ommaviy ravishda yuklab ola boshlashdi va bu Google Play’da ham o‘z aksini topdi - Secure VPN va Thunder VPN O‘zbekiston bo‘yicha eng yuklanib oluvchi ilovalar 20taligiga kirdi.

Agar sizda Facebook ishlamayotgan bo‘lsa, sizga VPN yordam beradi. Ushbu maqola orqali ijtimoiy tarmoqdan yana muammosiz foydalanishni boshlashingiz mumkin bo‘ladi.

Manba: kun.uz


Matnda xatolik topsangiz, o‘sha xatoni belgilab, bizga jo‘nating (Ctrl + Enter)

Bo'limga tegishli qiziqarli xabarlar

Fikr bildirish uchun qaydnomadan o'tishingiz so'raladi va telefon rakamni tasdiklash kerak buladi!