Toshkentdagi kafeda ikki yigit kassir qizning mulkini o‘mardi

10 iyul kuni taxminan soat 14.40larda 25 yoshli Baxromjon M. tanishi 19 yoshli Rixsixo‘ja K. bilan birga poytaxtimizning Shayxontohur tumanidagi kafelardan birida bo‘la turib, shu kafeda kassir bo‘lib ishlovchi 26 yoshli Feruza R. ga tegishli narxi 3.000.000 so‘m bo‘lgan mobil telefonni yashirin ravishda talon-taroj qilib, voqea joyidan yashiringan.

Mazkur holat yuzasidan Shayxontohur tumani IIO FMB tomonidan O‘zbekiston Respublikasi Jinoyat kodeksining 169-moddasi 2-qismi (“O‘g‘irlik”) bilan jinoyat ishi qo‘zg‘atildi. Gumonlanuvchilar aniqlangan, tergov davom etmoqda.