BMT Isroilni ayblamoqda
Birlashgan Millatlar Tashkilotining Inson huquqlari bo‘yicha Oliy komissari Volker Tyurk Isroilning tinch aholini Rafahdan evakuasiya qilish haqidagi buyrug‘ini "g‘ayriinsoniy" deb baholadi va "bunday harakatlar urush jinoyati bo‘lishi mumkin" deb ogohlantirdi. Tyurkning so‘zlari uning nomidan e’lon qilingan bayonotda o‘z aksini topdi.
Uning so‘zlariga ko‘ra, yuz minglab odamlarni omon qolish uchun yordam berish imkoniyati kam bo‘lgan hududlarga qochishga majbur qilish "o‘ylab bo‘lmaydi".
“G‘azonlar havo hujumlari, kasallik va hatto ochlikdan azob chekishda davom etmoqda. Bugun esa Isroil armiyasining Rafahdagi operasiyalari kengayib borayotgani sababli ularga yana harakat qilishlari kerakligi aytilmoqda. Bu g‘ayriinsoniy. Bu xalqaro gumanitar huquq va inson huquqlarining asosiy tamoyillariga ziddir, ular uchun tinch aholini samarali himoya qilish muhim ahamiyatga ega”, — deyiladi Tyurk nomidan e’lon qilingan bayonotda.
Shuningdek, u qat’iy qonuniy talablarga bog‘liq bo‘lgan ba’zi istisnolardan tashqari, tinch aholini o‘tkazish to‘g‘risidagi buyruqlar xalqaro gumanitar huquq doirasida taqiqlanganligini ta’kidlaydi.
