Timur Kapadze Olimpiadaga uch nafar yoshi katta futbolchini olib ketmoqchi. Ular kimlar?
![Timur Kapadze Olimpiadaga uch nafar yoshi katta futbolchini olib ketmoqchi. Ular kimlar? Timur Kapadze Olimpiadaga uch nafar yoshi katta futbolchini olib ketmoqchi. Ular kimlar?](/photos/news/8Y1iVNM5zvhFAQi.jpeg)
O‘zbekiston olimpiya terma jamoasi ustozi Timur Kapadze Parijda bo‘lib o‘tadigan Olimpiadaga olib ketishni reja qilgan uch nafar yoshi katta futbolchisining ism-sharifini ma’lum qildi.
Olimpiyachilarimiz ustozining ma’lum qilishicha, terma jamoamiz U-23 yosh toifasidan kattalar limitidan to‘liq foydalanadi – Eldor Shomurodov, Oston O‘runov va Husniddin Aliqulov Parijga olib ketiladi.
Eslatib o‘tamiz, Olimpiada uchun jamoalar faqatgina 18 nafar futbolchini "zayavka" qilishlari mumkin. Bundan tashqari, yana 4 nafar o‘yinchini zaxira varianti sifatida ro‘yxatdan o‘tkazish mumkin.
Musobaqa payti 18 talikdan kimdir jarohat olib yoki betob bo‘lib qolgan o‘yinlarda o‘ynay olmasa, uning o‘rniga o‘sha 4 nafar zaxiradagi futbolchilardan birini "zayavka"ga kiritish mumkin bo‘ladi.