“One Chip Challenge” chipsining xavfsizligi tekshirilmagan – Sanepidqo‘mita
![“One Chip Challenge” chipsining xavfsizligi tekshirilmagan – Sanepidqo‘mita “One Chip Challenge” chipsining xavfsizligi tekshirilmagan – Sanepidqo‘mita](/photos/news/P8Q2xfnw3mtlz9i.jpeg)
Ijtimoiy tarmoqlarda yoshlar o‘rtasida “One Chip Challenge” chipsini iste’mol qilish bo‘yicha chellenj boshlangani, bu esa salomatlik bilan bog‘liq bir qancha ko‘ngilsiz holatlarga olib kelayotgani to‘g‘risida ma’lumotlar tarqaldi.
Sanitariya-epidemiologik osoyishtalik va jamoat salomatligi qo‘mitasi holatga munosabat bildirdi.
“Fuqarolarimizdan “Ushbu mahsulot O‘zbekistonga ham olib kelinganmi?”, “Mahsulotga Sanepidqo‘mita tomonidan sanitariya-epidemiologik xulosa berilganmi?” degan savollar kelib tushmoqda.
Sanepidqo‘mita tomonidan “One Chip Challenge” mahsuloti uchun sanitariya-epidemiologik xulosa berilmaganini, shu bilan birga ushbu mahsulotga xulosa olish bo‘yicha tadbirkorlar tomonidan murojaat ham bo‘lmaganini ma’lum qilamiz”. Shu o‘rinda fuqarolarimizdan xavfsizligi tekshirilmagan oziq-ovqat mahsulotlarni xarid qilmaslikni va iste’mol qilmaslikni so‘raymiz.
deyiladi munosabatda.