Sirdaryoda magistral gaz quvuri portladi

Sirdaryo viloyati hududidan o‘tgan «Xovos-Farg‘ona» yo‘nalishidagi magistral gaz quvurida portlash sodir bo‘ldi.

Bugun, 25 avgust kuni taxminan soat 10:30 larda Xovos tumani Navro‘z mahallasiga qarashli yuqori dala qismida, dala ekin-maydoni hududidan o‘tgan «Xovos-Farg‘ona» yo‘nalishidagi magistral gaz quvurida portlash sodir bo‘ldi. Ayni vaqtda tafsilotlar o‘rganilmoqda.

Bu xabarni Sirdaryo viloyati hududiy gaz ta’minoti filiali navbatchilik qismi tasdiqladi. Berilgan birlamchi ma’lumotlarga ko‘ra, jarohat olganlar yo‘q.