Prezident: 47 nafar fuqaro Suriyadan qaytarildi

Tengrinews.kz ning xabariga ko‘ra, Qozog‘iston Prezidenti Nursulton Nazarboyev o‘tgan hafta TIV va xavfsizlik kuchlarining maxsus amaliyoti natijasida Suriyadan 47 nafar qozog‘istonlik, shular jumlasidan 30 nafar bolalar mamlakatga qaytarilganligini ma’lum qilgan.

Bu insonlar ISHID terrorchi guruhining yolg‘on targ‘ibotlari ostida Suriyaga borib, terrorchi guruh garovida qolishgandi , deb aytgan Nazarboyev.

Qozog‘iston milliy xavfsizlik qo‘mitasi ma’lumotlariga asosan, Suriya va Iroq hududlarida 800 nafar Qozog‘iston fuqarolari, jumladan 120 erkak, 250 ayol va 500 bolalar yashashmoqda.