Navoiyda bugundan ichimlik suvi narxi uch baravarga qimmatlashdi

Navoiy viloyatida bugundan ichimlik suvi narxi 3 baravar qimmatlashdi.

Ma’lum bo‘lishicha, viloyat deputatlari ma’qullagan qarorga asosan, 1 m³ ichimlik suvi narxi aholi uchun 3000 so‘m (hozirgi narx 1080 so‘m), byudjet tashkilotlari va ulgurji iste’molchilar uchun esa 7000 so‘m (hozirgi narx 3300 so‘m) bo‘ladi. Bu – viloyatdagi suv inshootlari va quvurlar ta’mirtalab ekani bilan izohlangan.

Shuningdek, Samarqandda ham suv narxini oshirishga deputatlar roziligi olindi. U yerda narxlar mos ravishda 1850 va 3500 so‘m deb belgilandi.

Eslatib o‘tamiz, ichimlik suvi va kanalizasiya tariflarini deputatlar bilan kelishish tartibi joriy etilgan.