“Ganga” avtomobil ko‘prigida 7 ta avtomobil to‘qnashdi

Shayxontohur tumanida ro‘y bergan yo‘l-transport hodisasi haqida Internet tarmog‘ida tarqalgan xabarlarga Toshkent shahar Ichki ishlar bosh boshqarmasi izoh berdi.

2 iyun kuni soat 19:00 da “Ganga” avtomobil ko‘prigida aniqlanmagan “Cobalt” avtomobili keskin to‘xtagani sababli yetti nafar birin-ketin harakatlangan avtomobillar masofa saqlamaganliklari tufayli to‘qnashdilar.

YTH natijasida hech kim jabr ko‘rmadi. Yo‘l-transport hodisasining barcha ishtirkochilariga nisbatan ma’muriy bayonnomalar rasmiylashtirildi.