G7 ocharchilikka qarshi kurash uchun 4,5 milliard dollar ajratadi
G7 yetakchilari rivojlanayotgan mamlakatlarda ocharchilikning oldini olish uchun 4,5 milliard dollar ajratishga qaror qildi, deb xabar bermoqda Reuters .
Ukrainadagi mojaro tufayli butun dunyoda oziq-ovqat va energiya narxlari keskin oshib ketdi. G7 global oziq-ovqat xavfsizligini yaxshilash uchun mablag‘ ajratadi, bu mablag‘ning katta qismini AQSh ta’minlaydi. Pul 47 mamlakatda ochlikka qarshi kurash va mintaqaviy tashkilotlarni moliyalashtirishga sarflanadi.
“Biz, Katta yettilik yetakchilari, global oziq-ovqat xavfsizligini yaxshilash va oziq-ovqat inqirozi jiddiy zarar ko‘rishi mumkin bo‘lgan eng zaif odamlarni himoya qilish uchun barcha sa’y-harakatlarimizni qilamiz”, — dedi G7 mamlakatlari yetakchilari Bavariyada bo‘lib o‘tgan sammitda.
G7 davlatlari, shuningdek, allaqachon oshib borayotgan inflyasiyani qo‘zg‘atmasdan, Rossiyaga iqtisodiy bosimni kuchaytirmoqchi.