Buyuk Britaniya shahzodasi ham koronavirusga chalindi
Shahzoda Charlz koronavirusga chalindi. Bu haqda shahzoda saroyiga yaqin manbalar xabar tarqatdi, deb xabar beradi "The Guardian".
Xabar qilinishicha, 71 yoshli Uels shahzodasi, Yelizaveta II ning o‘g‘li koronavirus infeksiyasi uchun tekshirilgan va natija ijobiy chiqqan.
Kasallik yengil, shahzoda Charlz masofadan ishlashda davom etmoqda. U Shotlandiyadagi uyida karantinda.
Uning rafiqasi Kamilla ham test topshirdi, unda koronavirus aniqlanmadi.
Manbalarga ko‘ra, shahzoda koronavirusni kimdan yuqtirganini hozircha aniq bilish imkoni yo‘q, chunki so‘nggi haftalarda u rasmiy tadbirlar davomida ko‘plab odamlar bilan aloqada bo‘lgan.
Matnda xatolik topsangiz, o‘sha xatoni belgilab, bizga jo‘nating (Ctrl + Enter)