Belgiya poytaxtida komendantlik soati uzaytiriladi
Bryussel hukumati komendantlik soatini dekabr oyining o‘rtalarigacha uzaytirishga qaror qildi.
Oktyabr oyi oxirida Bryusselda koronavirusni yuqtirganlar soni keskin ko‘paygani sababli, aholining harakati kechki 22: 00dan tonggi 06: 00gacha cheklangan edi.
Bugun Bryussel shahar rahbari Rudi Vervort komendantlik soati 2020 yil 13 dekabrigacha uzaytirilishini ma’lum qildi.
«Bryusseldagi pandemiya statistikasi hali ham xavotirli bo‘lmoqda», - dedi shahar rahbari.
Belgiyaning Sciensano tadqiqot markazining ma’lumotlariga ko‘ra, 18 noyabr kuni poytaxtda 400 dan ortiq yangi COVID-19ni yuqtirish holatlari ro‘yxatga olingan.
Belgiyaning Valloniyasi ham komendantlik soatini uzaytirdi.
Matnda xatolik topsangiz, o‘sha xatoni belgilab, bizga jo‘nating (Ctrl + Enter)