Qozog‘istonda raketa halokatga uchradi

Bugun, 11 oktyabr kuni Boyqo‘ng‘ir kosmodromidan uchgan “Soyuz” raketasi motori shtatdan tashqari o‘chib qoldi. Natijada Xalqaro kosmik stansiyasining yangi ekipaji Qozog‘iston hududiga favqulodda qo‘nishga majbur bo‘ldi.

“Ikkinchi bosqichdagi motor avariyaviy tarzda o‘chib qolgan. Ekipaj a’zolari tirik va Qozog‘iston hududiga favqulodda qo‘ndi”, deyiladi xabarda.

Ekipaj a’zolari bilan aloqa mavjud. Qutqaruvchilar halokat joyiga yo‘l olgan. Uning tarkibiga to‘rtta Mi-8 vertolyoti va qutqaruv guruhi uchun An-12 samolyoti kiritilgan.

Manba: qalampir. com