Dunyoda ichimlik suvi tanqisligi va antisanitariya holati tufayli yiliga 1,4 million kishi vafot etmoqda

JSST va YUNISEF tomonidan e’lon qilingan hisobotga ko‘ra, dunyo bo‘yicha 2 milliard odamning toza ichimlik suvi, 3,6 milliard kishining sanitariya-gigiyena vositalaridan foydalanish imkoniyati cheklangan. Shu ikki omil yiliga 1,4 millionga yaqin insonning o‘limiga sabab bo‘lmoqda.

🚰 Hatto millionlab bolalar va kattalar sovun kabi oddiy gigiyena vositasidan foydalanish ko‘nikmasiga ega emas. Qator sog‘liqni saqlash muassasalarida suv, dezinfeksiya vositalari va spirtli eritmalar yo‘q.

📌 Qolaversa, mutaxassislar kanalizasiya tarmoqlari yetishmasligi halokatli oqibatlarga sabab bo‘lishidan ogohlantirmoqda.

‼️Shu bois qo‘shma hisobotda hukumatlarga suv va kanalizasiya uchun davlat xarajatlarini oshirish hamda bu sohada innovasion yechimlarni joriy etish tavsiya etilgan.