332 nafar fuqaroga 671 turdagi dori vositalari va tibbiy buyumlar yetkazildi
Homiylik xayriyalarini muvofiqlashtirish markazining 1197 qisqa raqamiga bo‘lgan qo‘ng‘iroqlar asosida Toshkent shahri bo‘yicha jami 332 nafar fuqaro uchun 41 968 066,61 so‘mlik 671 turdagi dori vositalari va tibbiy buyumlari jamlandi va 9 ta tuman tibbiyot birlashmalari xodimlariga murojaat qilgan fuqarolarga yetkazib berish uchun topshirildi.
Xususan, 2020 yil 9 aprel kuni Mirzo Ulug‘bek, Sergeli va Yashnobod tumanlaridan kelib tushgan qo‘ng‘iroqlar asosida jami 59 nafar fuqaro uchun 4514358,76 so‘mga teng 123 turdagi dori vositalari va tibbiy buyumlar ushbu tumanlarning tibbiyot birlashmalariga topshirildi.
Bugun, 10 aprel kuni Uchtepa tumanidan kelib tushgan qo‘ng‘iroqlar asosida jami 48 nafar fuqaroga mo‘ljallangan 5 936 855,62 so‘mlik 108 turdagi dori vositalari va tibbiy buyumlar Uchtepa tumani tibbiyot birlashmasining mas’ul xodimlariga yetkazildi.
