Isroil Rafah shahriga har qanday holatda hujum uyushtirmoqchi

Isroil Bosh vaziriga ko‘ra, Isroil Rafah shahriga, HAMAS bilan asirlarni almashish bo‘yicha kelishuvga erishilgan yoki erishilmaganidan qat’i nazar, quruqlikdan hujum uyushtiradi.

Isroil hukumati rahbari ma’muriyatining bayonotiga ko‘ra, Netanyahu G‘azo sektoridagi HAMAS qo‘lidagi mahbuslarning yaqin qarindoshlarini Isroil “barcha maqsadlarga erishilmagunicha” anklavga hujumlarni to‘xtatmasligiga ishontirgan.

Netanyahuning bayonoti Qohirada HAMAS bilan asirlarni almashish bo‘yicha bilvosita muzokaralar davom etayotgan bir paytda berilgan. Bir kun avval Misr matbuoti HAMAS delegasiyasi Misr poytaxtini tark etgani va Misrning mahbuslar almashinuvi haqidagi so‘nggi taklifiga yozma javob yuborishini xabar qilgan edi.