Isroil Patriot tizimi bilan xayrlashmoqda

Isroil havo kuchlari o‘zining eskirgan Patriot havo mudofaa tizimlaridan voz kechib, zamonaviyroq qurollardan foydalanishga o‘tishni rejalashtirmoqda.

Bu haqda The Times of Israel yozmoqda.

Maqolada qayd etilishicha, ular fevral oyida Isroil armiyasida qayta qurollanish haqida gapira boshlagan. Ma’lum bo‘lishicha, bir nechta Patriot havo mudofaa tizimlari ikki oy ichida butunlay foydalanishdan to‘xtatiladi. Ishdan chiqarilgan batareyalar yanada rivojlangan havo mudofaa tizimlari, xususan, David’s Sling tizimi va Temir gumbaz bilan almashtiriladi.