1 iyuldan Qozog‘istonda suyultirilgan gaz narxi oshdi
Bir tonna suyultirilgan neft gazining maksimal ulgurji narxi 45 158 tengeni tashkil qildi (avvalgi narx 40 320 tenge edi). Shu bilan birga, marjinal chakana narx mintaqaga qarab litri uchun 5-8 tengegacha biroz oshdi. Bu haqda QR Energetika vazirligi matbuot xizmati xabar berdi.
Vazirlik bunday chora ko‘rishning bir qancha sabablari borligini tushuntirdi:
* suyultirilgan neft gazining narxi uni ishlab chiqarish tannarxidan ancha past;
* MDHda iste’mol keskin oshdi;
* MDHdagi zavodlar ishlab chiqarishga qiziqishni yo‘qotmoqda;
* MDHdagi eng past narxlardan biri Qozog‘istonda kuzatilgan, ya’ni 54-86 tengegacha.
Qiyosiy jihatdan bir litr gaz narxi Rossiyada 132 tenge, Ozarbayjonda 171 tenge, Tojikistonda 273 tenge. Mutaxassislarning fikricha, 2024 yilda ichki bozorda iste’mol hajmi yana 200 ming tonnaga oshib, 2,4 million tonnaga yetadi. Shu bilan birga, gaz taqchilligi 30-40 foizni tashkil qilishi mumkin”, – deyiladi vazirlik xabarida.
