Rossiya YEXHT Parlament Assambleyasi tarkibidan chiqdi
Rossiya Davlat dumasi yalpi majlisda Rossiya Federasiyasi Federal Majlisi delegasiyasining Yevropada Xavfsizlik va Hamkorlik Tashkiloti Parlament Assambleyasi ishidagi ishtirokini to‘xtatib turish to‘g‘risidagi bayonotni qabul qildi, deb yozadi «TASS».
Tegishli bayonotda Rossiya Federasiyasi Davlat Dumasi deputatlari assambleya rahbariyati va uning ishtirokchilariga «teng muloqot» ga qaytishga bo‘lgan takroriy chaqiriqlar «tushunmasdan va adekvat javob bermasdan» qolayotganini aytdi.
Davlat Dumasi deputati va assambleyadagi Rossiya delegasiyasi rahbari Pyotr Tolstoyning ta’kidlashicha, yig‘ilishda qatnashgan 405 nafar parlamentariyning barchasi Moskva budjetiga a’zolik badallarini to‘lagan tashkilotdan chiqish uchun ovoz bergan.
«Rossiyaning ketishi bilan YEXHT PA budjeti moliyaviy daromadlarning 6 foizini yo‘qotadi... Biz uchun bu iqtisod emas, prinsipial masala», — deb yozdi u Telegram’dagi kanalida.
