Erdo‘g‘an Ukraina va Falastinda mojarolar avj olish xavfidan ogohlantirdi

Turkiya prezidenti Rajab Toyyib Erdo‘g‘an Xitoy Xalq Respublikasi Raisi Si Szinpin bilan uchrashdi. Bu haqda Turkiya prezidenti ma’muriyati huzuridagi aloqa departamenti xabarida aytiladi.

Muzokaralar Qozog‘iston poytaxti Ostona shahrida bo‘lib o‘tgan Shanxay hamkorlik tashkilotiga a’zo davlatlar Davlat rahbarlarining 24-sammiti doirasida bo‘lib o‘tdi.

Ikki tomonlama munosabatlarning bugungi holati, Rossiya Federasiyasi va Ukraina o‘rtasidagi ziddiyat, Isroilning Falastinga hujumlari, shuningdek, global va mintaqaviy voqealar muhokama qilindi.