O‘zbekistonlik yigitlar Facebook'dan 3 million dollarlik grant yutib olishdi

Qoraqalpog‘istonlik Beknazar Abdikamalov va Aziz Murtazoyev singapurlik hamkori Jastin Kim bilan birgalikda Ami ruhiy salomatlik startapini ishga tushirish uchun Meta (Facebook) kompaniyasidan 3 million dollarlik grant yutib oldi. Bu haqda mahalliy OAV xabar berdi.

Loyihaning asosiy maqsadi ruhiy salomatlik xizmatini yanada qulayroq qilishdir. Yoshlar platformasini o‘z ichiga olgan onlayn maslahat sessiyalari Osiyo mamlakatlaridagi biznes egalariga o‘z xodimlarining ruhiy salomatligini yaxshilash imkonini beradi.

Dastur shunday ishlaydi: ro‘yxatdan o‘tish jarayonida foydalanuvchilar o‘zlarini eng ko‘p tashvishlantirayotgani haqida batafsil ma’lumot shaklini to‘ldiradilar va ularning javoblariga qarab, ular zarur psixologik yordam ko‘rsatadigan mutaxassis bilan bog‘lanadi.

Bunday platformani yaratish g‘oyasi, startaplarning fikricha, koronavirus inqirozining natijasidir. Jahon sog‘liqni saqlash tashkilotining 2022 yil mart oyidagi hisobotida aytilishicha, pandemiyadan keyin global depressiya va tashvish darajasi 25 foizga oshgan.

Loyiha asoschilari Ami kompaniyalarga ruhiy salomatlikni qo‘llab-quvvatlashning o‘ziga xos platformasi orqali eng yaxshi mutaxassislarni jalb qilish imkoniyatini taklif qilib, butun Osiyo bo‘ylab kengayishni rejalashtirayotganini ta’kidladilar.