To‘yxonalarda to‘y marosimlarini o‘tkazishga ruxsat berildimi?

Respublika maxsus komissiyasining 2020 yil 30 sentyabrdagi yig‘ilish bayoniga asosan karantin choralarini yumshatish munosabati bilan 2020 yil 1 oktyabrdan to‘yxonalar faoliyatiga ruxsat etilgan. Bu haqda Koronavirusga qarshi kurash shtabi a’zosi Botir Qurbonov ma’lum qildi.

"Bunda, to‘yxonalar oilaviy tantana, to‘y, ma’raka va marosimlarni o‘tkazish 30 kishidan ko‘p bo‘lmagan (faqat yaqin qarindoshlar va ushbu tuman hududida istiqomat qiluvchi boshqa qarindoshlar) hamda sanitariya va gigiyena talablariga qat’iy rioya etgan holda o‘tkazilishi belgilangan", – dedi u.