Rossiyaning Sverdlovsk viloyatida qor tufayli qariyb 80 ming kishi elektr ta’minotisiz qoldi

Ekaterinburg va Sverdlovsk viloyatida qor yog‘di. Rossiya Energetika vazirligi ma’lumotlariga ko‘ra, noqulay ob-havo tufayli mintaqada taxminan 79 ming nafar odam elektr ta’minotisiz qolgan.

Singan va muzlagan simlar tufayli 20 dan ortiq aholi punktlarida elektr ta’minoti uzilgan.

2024 yil 3 maydan 4 mayga o‘tar kechasi Yekaterinburgda 8 mm qor yog‘di. Kun davomida 9 mm gacha yog‘ingarchilik kutilmoqda. Shamolning tezligi soatiga 13 km ga yetgan.

Qor yog‘ishi shanba kuni tushdan keyin tugashi kerak, ammo sovuq harorat saqlanib qoladi, deya ogohlantirmoqda mahalliy rasmiylar.