Toshkentda xonadonlardan biri yonib ketdi
Bugun 23 iyul kuni soat 11:39 larda Olmazor tumani, Yuksalish ko‘chasida joylashgan xonadonlardan birida yong‘in kelib chiqqan. Yong‘in natijasida uyning ichki va tom qismi 120 kv.m maydonda yongan. Yong‘in-qutqaruv jangovar bo‘linmalari manzilga soat 11:46 da yetib borgan va ko‘rilgan tezkor chora va harakatlar natijasida yong‘in soat 12:11 da bartaraf etilib 600 kv.m maydoni saqlab qolingan hamda uyga tutash qo‘shni xonadonlarning yong‘in natijasida zarar ko‘rish va fuqarolar jabirlanishining oldi olingan. Yong‘in joyiga 4 ta yong‘in-qutqaruv texnikasi jalb qilingan.
Yong‘in sabablari va yong‘indan keltirilgan moddiy zarar miqdori aniqlanmoqda.
Matnda xatolik topsangiz, o‘sha xatoni belgilab, bizga jo‘nating (Ctrl + Enter)