Somon qoldig‘ini yoqqan shaxs jarimaga tortildi

Jarqo‘rg‘on tumanidagi Eskiqishloq mahallasi hududidagi fermer xo‘jaligining ish yurituvchisi Mansur Norbo‘tayev (ism-sharif o‘zgartirildi) somonpoya qoldiqlarini yoqib, tevarak-atrof va ekin maydoniga yirik miqdorda zarar yetkazgani uchun jarima to‘laydigan bo‘ldi.

Viloyat ekologiya boshqarmasi axborot xizmati ma’lum qilishicha, g‘alla o‘rim-yig‘imidan bo‘shagan 10 gektar maydondagi somonpoya qoldiqlarini o‘zboshimchalik bilan yoqib yuborgan tabiat kushandasiga nisbatan Ma’muriy javobgarlik to‘g‘risidagi kodeksning 88-moddasi 3-qismi bilan ma’muriy bayonnoma rasmiylashtirilgan. Tabiatga yetkazilgan zarar 18 million 642 ming 234 so‘m miqdorida hisoblangan. Amaldagi qonunlarga ko‘ra, endilikda bu zarar ish yurituvchidan undiriladi.