Xavfsizlik kuchlari Habib Nurmagomedovni ham qidirgani ma’lum bo‘ldi

Abdulmannap Nurmagomedov mashg‘ulotlar zalida tintuvlar olib borilayotgan vaqtda xavfsizlik kuchlari Habib Nurmagomedovni ham qidirgan.

Ommaviy axborot vositalarining xabar berishicha, terakt sodir etganlikda gumonlanayotganlar UFC sobiq chempionining klubida mashg‘ulot o‘tkazgan. Xavfsizlik kuchlari Habib bilan yo‘q qilingan terrorchi Gajimurod Kagirov haqida gaplashmoqchi bo‘lgan.

Ular taxminan soat 20:00 gacha zalda tintuv o‘tkazgan, ammo Habib topilmagan. U so‘nggi paytlarda Rossiya hududida bo‘lmagani ma’lum bo‘lgan. Shu sababli, klubga Nurmagomedovning sherigi Shamil Zavurov kelgan. Huquq-tartibot idoralari xodimlari avvalroq Kagirov bilan aloqador bo‘lishi mumkin bo‘lgan sportchilarni yozib olib, hech kimni hibsga olmagan.

Abdulmannap Nurmagomedov nomidagi klub bir necha kun ketma-ket tekshirildi. Kecha ular mashg‘ulotlardan chiqqanlarning barchasini so‘roq qilishgan - hujjatlar, telefonlarni o‘rganishgan va terrorchi bilan kim muloqot qilganini aniqlashgan.