Xitoy rahbari ham Markaziy Osiyoga safar qiladi
Xitoy rahbari Si Szinpin ham Markaziy Osiyoga safar qilmoqda. U 2—6 iyul kunlari Ostonaga tashrif buyuradi va Shanxay hamkorlik tashkiloti sammitida ishtirok etadi, deb xabar beradi «TASS».
«Xitoy raisi Si Szinpin 2-6 iyul kunlari Ostona shahrida bo‘lib o‘tadigan SHHTga a’zo davlatlar rahbarlari kengashining 24-yig‘ilishida ishtirok etadi hamda Qozog‘iston Respublikasi va Tojikiston Respublikasiga davlat tashrifini amalga oshiradi», — deyiladi agentlik xabarida. Xitoy hukumati bayonoti.
Si Szinpin ushbu davlatlar rahbarlari taklifiga binoan Qozog‘iston va Tojikistonga tashrif buyuradi.
SHHT sammiti 4 iyul kuni Ostonada bo‘lib o‘tadi. Birlashgan Millatlar Tashkiloti Bosh kotibi Antonio Guterrish va Pokiston Bosh vaziri Shehbaz Sharif ham Qozog‘istonga uchib kelishmoqda.
