Germaniya rekord miqdorda qurol eksport qildi

Joriy yilning boshidan 18-iyungacha Germaniya hukumati o‘z qurollarini rekord miqdorda deyarli 7,5 milliard yevroga sotishga yashil chiroq yoqdi. Bu haqda DPA agentligi Germaniya Iqtisodiyot vazirligi ma’lumotlariga tayanib xabar bermoqda.

“1 yanvardan 18 iyungacha Germaniya hukumati kamida 7,48 milliard yevro (8,01 milliard dollar) miqdoridagi qurol eksportini tasdiqladi, bu o‘tgan yilning birinchi yarmiga nisbatan 30 foizga ko‘pdir, dedi parlament deputati Sevim Dagdelen vazirlikning so‘roviga tayanib.

Shunisi e’tiborga loyiqki, Germaniyaning qurol-yarog‘ ta’minotining asosiy ulushi Kiyev rejimiga to‘g‘ri keladi. Berlin unga 4,88 milliard yevrolik qurol-yarog‘ beradi (umumiy summaning deyarli uchdan ikki qismi).