Shavkat Mirziyoyev farmoniga ko‘ra Alisher Usmonov «El-yurt hurmati» ordeni bilan taqdirlandi

O‘zbekiston Prezidenti Shavkat Mirziyoyev 29 avgust kuni USM Holding aksiyadorlik jamiyati asoschisi, rossiyalik tadbirkor va milliarder Alisher Burhonovich Usmonovni «El-yurt hurmati» ordeni bilan taqdirlash to‘g‘risidagi farmonni imzoladi. Bu haqda «Gazeta.uz» xabar bermoqda.Hujjatda aytilishicha, Alisher Usmonov «O‘zbekiston Respublikasi va Rossiya Federasiyasi o‘rtasidagi iqtisodiy, ijtimoiy va madaniy-gumanitar aloqalarni mustahkamlashga qo‘shgan ulkan hissasi, mamlakatimizda yirik investision loyihalarni samarali amalga oshirgani» hamda boshqa xizmatlari uchun ushbu mukofotga loyiq topilgan.

Manba: daryo.uz