Nukus va Qarshi shaharlari transport Bosh rejasi loyihasi taqdimoti o‘tkazildi

Transport vazirligida Toshkent davlat transport universiteti mutaxassislari tomonidan ishlab chiqilgan Nukus va Qarshi shaharlari transport Bosh rejasi loyihasi yuzasidan muhokama o‘tkazildi.

Unda Nukus va Qarshi shahridagi bozorlar, oliy ta’lim muassasalari, maktablar, tibbiyot muassasalari va boshqa ijtimoiy ob’ektlar atrofidagi transport va piyodalar harakati bilan bog‘liq muammolar va ularni bartaraf qilish bo‘yicha asoslangan takliflar, shahar hududlarini qamrab olgan jamoat transportining yangi tarmog‘ini ishlab chiqish bilan bog‘liq jihatlar muhokama etildi.