Mo‘’jiza: Andijonda chirigan olma mevasida nihol unib chiqdi (foto)

Andijon viloyati Shahrixon tumani Soroy qishlog‘ida antiqa holat sodir bo‘ldi, ya’ni chirigan olmadan nihol unib chiqdi.

Shu qishloqning Paxtako‘l mahallasida yashovchi Rustambek Arabboyevning aytishicha, olma arzon bo‘lgani sababli bozordan ko‘p olma sotib olgan. Farzandlari bir kunda bir-ikkita olma yeyishar ekan. Bir necha kun oldin esa olmalar tugab, chiriganlari qolgan. Rustambek akaning qizlari esa chirigan olmalardan biridan nihol unib chiqqanini ko‘rgan va otasiga xabar bergan.

Ba’zi insonlar o‘z bolasini o‘ldirib, axlatxonaga tashlab ketishyapti yoki sotib yuborishmoqda. Bu olma esa o‘zidan zurriyod qoldirish uchun o‘zini qurbon qilyapti , deydi Rustambek Arabboyev.