“G‘alaba bog‘i”ga kirish vaqtinchalik to‘xtatiladi

Mudofaa vazirligi huzuridagi «G‘alaba bog‘i» yodgorlik majmuasi ma’muriyatining ma’lum qilishicha, “G‘alaba bog‘i”ga kirish vaqtinchalik to‘xtatiladi.

Qayd etilishicha, Toshkent shahri Olmazor tumanida joylashgan “G‘alaba bog‘i” yodgorlik majmuasi hamda uning tarkibidagi “Shon-sharaf” davlat muzeyi hududida 9 may — Xotira va qadrlash kuni tadbirlariga tayyorgarlik ko‘rish munosabati bilan xo‘jalik va dezinfeksiya ishlari olib borilmoqda.

Shu munosabat bilan joriy yilning 6-7 may kunlari “G‘alaba bog‘i” yodgorlik majmuasi hududiga tashrif buyuruvchilarning kirishi vaqtinchalik to‘xtatiladi.