Abbos Fayzullayev Olimpiadaga boradimi? Futbolchining o‘zi javob berdi

SSKA va O‘zbekiston milliy jamoasi yarim himoyachisi Abbos Fayzullayev "Rubin"ga qarshi o‘yindan keyin Parijda o‘tadigan Olimpidada ishtirok etishi mumkinligi haqidagi savolga javob berib o‘tdi.

– Olimpiadaga borasizmi?

– Buni hali muhokama qilmadik. Hozir bor e’tiborimni SSKAga qaratganman. Kubokni yutmoqchimiz. "Zenit"ni mag‘lub eta olamiz, deb o‘ylayman", — deydi futbolchi.

Eslatib o‘tamiz, O‘zbekiston U-23 jamoasi Qatarda o‘tgan Osiyo Kubogida 2-o‘rinni egallab, tarixda ilk bor Olimpiadaga yo‘llanmani qo‘lga kiritdi. Abbos Fayzullayev kelishuvga muvofiq yarimfinaldan so‘ng Moskva klubi ixtiyoriga qaytgandi. SSKA Rossiya kubogi final bosqichi ilk uchrashuvida jamoalar 1:1 hisobida durang o‘ynagan edi.