Amudaryo ustidan o‘tuvchi qo‘shma ko‘prikda transport harakati vaqtincha to‘xtatiladi

“O‘zbekiston temir yo‘llari” Amudaryo ustidan o‘tuvchi qo‘shma ko‘prikda transport harakati vaqtincha to‘xtatilishini e’lon qildi.

Qayd etilishicha, Amudaryo tumanining Qipchoq – Blokpost stansiyalari oralig‘idagi temiryo‘l kesishmasini jihozlash bo‘yicha qo‘shimcha ishlar olib boriladi. Shu munosabat bilan 7 may kuni soat 14:00 dan 9 may soat 14:00 gacha avtotransport vositalari harakati qo‘shma ko‘prikda vaqtincha to‘xtatiladi.

Ushbu davr mobaynida avtotransport vositalari harakati Qipchoq ponton ko‘prigi orqali amalga oshiriladi.