Klichko Zelenskiy jamoasini sudga berdi
Kiyev meri Vitaliy Klichko Ukraina yangi hukumatining uni Kiyev shahar davlat ma’muriyati boshlig‘i lavozimidan ozod etish to‘g‘risidagi qarori tufayli Ukraina Vazirlar Mahkamasi, Bosh vazir Aleksey Goncharuk, shuningdek Ukraina Prezidenti devoni rahbari Andrey Bogdanga qarshi da’vo qo‘zg‘adi. Kiyev okrug ma’muriy sudi ma’lumotlari shundan dalolat beradi.
Poytaxt meri, shuningdek, Ukraina hukumatining Klichkoni ishdan bo‘shatish to‘g‘risida prezidentga taqdim etishini noqonuniy, deb biladi.
Klichko Kiyev shahar ma’muriyati rahbari vakolati 2020 yil 16 noyabrgacha tugashini talab qilmoqda.
Eslatib o‘tamiz, Klichko sobiq prezident Petro Poroshenkoning eski jamoasining vakili hisoblanadi. Klichko Kiyev meri etib saylandi va avtomatik ravishda prezidentni Kiyev shahar ma’muriyati rahbari etib tayinladi. Gap shundaki, bu ikki xil pozisiya, ammo Ukraina Konstitusiyaviy sudining qaroriga binoan, prezident Kiyev shahrida mer saylovida g‘olib chiqqan shaxsni Kiyev shahar ma’muriyati rahbari lavozimiga tayinlashi kerak.
Zelenskiy jamoasi Klichkoni lavozimidan chetlatmoqchi va buning uchun poytaxtda ikki hokimiyatni yaratish va merni zararsizlantirish uchun ikki lavozimni ajratishga qaror qildi.
