Besh karra Yevropa chempioni uyida o‘lik holda topildi

Rossiyalik kikbokschi Diana Karateeva o‘zining Abakandagi uyida (Xakasiya) o‘lik holda topildi. Bu haqda «Kun» xabar bermoqda.

Sportchining jasadini uning do‘stlari topishgan. Dastlabki taxminga ko‘ra, 23 yoshli Karateeva is gazidan zaharlanish oqibatida vafot etgan. Fojia tafsilotlari surishtiruv ishlari yakunlanganidan so‘ng ma’lum qilinishi aytilmoqda.

Karateeva kikboksing bo‘yicha Yevropa chempionatida besh marta g‘olib chiqqan. U shuningdek, Rossiya terma jamoasining sobiq a’zosi bo‘lgan.