Adolatga eng yaxshi ta’rif qaysi kitobda?
Garvard universitetining markaziy kutubxonasi kirish eshigi tepasiga insoniyat tarixida adolat tushunchasi ta’rifini mukammal ifodalagan jumla sifatida Mushafi sharifning Niso surasi 135-oyati yozib qo‘yildi.
Alloh taolo marhamat qiladi: “Ey, iymon keltirganlar! Adolat ila turing hamda agar o‘zingiz, ota-onangiz va qarindoshlaringiz ziddiga bo‘lsa ham Alloh uchun to‘g‘ri guvohlik beruvchi bo‘ling. Agar u boy bo‘lsa ham, kambag‘al bo‘lsa ham Alloh unga yaqinroqdir. Havoyi nafsga ergashib, adolatsizlik qilmang. Agar tilingizni bursangiz yoki yuz o‘girib ketsangiz, albatta, Alloh nima qilayotganingizdan xabardordir”(Niso surasi 135-oyat).
Garvard universitetining rasmiy saytida e’lon qilingan sharhda yozilishicha, Qur’ondagi ushbu oyat satrlari adolat tushunchasining qudrati va betakrorligini isbotlaydi. Uni mahkam tutish orqali inson adolat va oliyjanoblikka intiladi.