Yaponiya aholini anomal issiqlik tufayli elektr energiyasini tejashga chaqirdi
Yaponiya hukumati dushanbadan beri kuzatilayotgan anomal issiqlik tufayli mamlakatning bir qator hududlarida elektr energiyasi iste’molini cheklash bo‘yicha fuqarolarga murojaat e’lon qildi, deya xabar beradi Kyodo.
Yaponiya Iqtisodiyot, savdo va sanoat vazirligi mamlakatning bir qancha hududlari aholisini dushanbadan mahalliy vaqt bilan soat 15:00 dan 18:00 gacha ixtiyoriy chiroqlarni o‘chirib, elektr energiyasini tejashga chaqirdi.
Dam olish kunlari Xonsyu orolida anomal issiqlik to‘lqini qayd etildi, ko‘tarilgan harorat shu haftaning boshida davom etadi. Ayni paytda vazirlik fuqarolarga issiqlik urishi xavfi ortishi sababli kondisionerlardan foydalanishni davom ettirishni tavsiya qildi.
Agentlik ma’lumotlariga ko‘ra, mamlakatning yetakchi energetika kompaniyalari joriy yil yozida Yaponiyaning shimoli-sharqiy va markaziy hududlarida elektr energiyasiga bo‘lgan talab oshishini prognoz qilmoqda.