Trampning Tik Tok va WeChat dasturlaridan foydalanishni ta’qiqlovchi farmonlari bekor qilindi

Oq uy AQShning sobiq prezidenti Donald Trampning Tik Tok va WeChat dasturlaridan foydalanishni ta’qiqlovchi farmonlari bekor qilinganligini e’lon qildi.

Bundan tashqari, amaldagi prezident Jo Bayden ma’muriyati "xorijiy raqiblar" tomonidan ishlab chiqilgan va nazorat qilinadigan, milliy xavfsizlik, tashqi siyosat va AQSh iqtisodiyotiga tahdid solishi mumkin bo‘lgan dasturlarni tekshirishni niyat qilmoqda.

Donald Tramp Tik Tokdan global tarmoqning Amerika qismini sotishini talab qildi va o‘tgan yilning avgustida potensial bitimni 90 kunga qadar bajarilishini cheklaydigan farmon imzoladi. Muddat bir necha bor uzaytirildi va Amerika sudlari arizani ta]qiqlashni bir necha marotaba to‘sib qo‘yishdi.