Toshkentda avtobus haydovchilari ko‘proq qanday qoidabuzarliklar sodir etishi ma’lum bo‘ldi

Toshkentda avtobus haydovchilari yil boshidan buyon eng ko‘p qanday qoidabuzarliklar qilgani ochiqlandi.

“Toshshahartransxizmat” tadqim etgan ma’lumotga ko‘ra, ayrim avtobus haydovchilari tomonidan yo‘nalish davomida bir qator qo‘pol qoidabuzarliklar sodir etilmoqda. 2024 yilning o‘tgan 2-choragida jami 1392 ta qoidabuzarliklar aniqlangan bo‘lib, ulardan:

• 955 tasi uyali aloqa vositasidan foydalanish;
• 258 tasi tamaki mahsulotini iste’mol qilish;
• 179 tasi nazorat uchun mo‘ljallangan kuzatuv kameralariga qasddan ziyon yetkazish kabi qo‘pol qoidabuzarliklardir.