Ukraina Ozarbayjon gazini Yevropa Ittifoqiga yetkazib berish bo‘yicha muzokaralar olib bormoqda
Ukraina Ozarbayjon gazini Yevropa Ittifoqiga yetkazib berish bo‘yicha muzokaralar olib bormoqda, dedi Ukraina yetakchisi Vladimir Zelenskiy.
Unga ko‘ra, Kiyev Rossiya Federasiyasi bilan Rossiya gazini Yevropaga tranzit qilish bo‘yicha joriy yilda muddati tugaydigan shartnomani uzaytirmaslikni rejalashtirmoqda va shu sababli muqobil yoqilg‘i yetkazib beruvchilarni qidirmoqda.
💡 Bundan tashqari, Kiyev gaz tranzit mamlakati sifatidagi rolini saqlab qolishga va Yevropa Ittifoqiga Rossiya gaziga qaramligini kamaytirishga yordam berishga intiladi. Ozarbayjon Yevropaga muqobil yoqilg‘i yetkazib beruvchiga aylanishi mumkin, dedi Zelenskiy.
«Hozir boshqa gaz yetkazib beruvchi, boshqa davlat bilan quvurdan qanday foydalanishimiz mumkinligi haqida muqobil qadamlar ko‘rib chiqilmoqda. Muzokaralar davom etmoqda», — dedi siyosatchi Bloomberg agentligiga bergan intervyusida.
🤝 Uning so‘zlariga ko‘ra, Ukraina Tashqi ishlar vazirligi Boku bilan Ozarbayjon gazining Yevropa Ittifoqiga ehtimoliy tranziti masalasini muhokama qilmoqda va bu muzokaralar stolidagi faqat «takliflardan biri» ekanligini aniqladi.
