Superkompyuter Yevro-2024ning asosiy favoritlarini taxmin qildi

Opta superkompyuteri shu kunlarda Germaniyada bo‘lib o‘tayotgan futbol bo‘yicha Yevropa chempionatida 16ta terma jamoaning g‘alaba qozonish imkoniyatlarini hisoblab chiqdi.

Evro-2024ning asosiy favoriti - Angliya terma jamoasi. Uning g‘alaba qozonish ehtimoli 20 foizga baholanmoqda. Shuningdek, chempionlik uchun da’vogarlar beshligidan Ispaniya (17,2 foiz), Germaniya (15,8 foiz), Fransiya (13,4 foiz) va Portugaliya (8,3 foiz) terma jamoalari joy olgan.

Gruziya jamoasining Yevro-2024da g‘alaba qozonish imkoniyati eng kam (0,3%).