Fransiyada to‘yda otishma oqibatida bir kishi halok bo‘ldi

Fransiya shimoli-sharqida Tionvil kommunasida (Mozel departamenti) to‘yda sodir bo‘lgan otishmada 20 yoshli yigit halok bo‘ldi, bir necha kishi yaralandi.

Bu haqda Republicain Lorrain gazetasi xabar berdi.

Ma’lumotlarga ko‘ra, avtomat va pompali miltiqlar bilan qurollangan bir guruh odamlar bayram o‘tayotgan zal yaqinida yig‘ilganlarga qarata o‘t ochgan.

Umuman olganda, to‘yda yuzga yaqin mehmon bo‘lgan, ulardan kamida to‘rt nafari og‘ir jarohat olgan, ikkitasi og‘ir ahvolda.

Voqea joyida polisiya ishlamoqda, ammo hujumchilarning maqsadi va shaxsi haqida ma’lumot berilmagan.