Orenburgda yigit lift ichida tiriklayin yonib ketishiga oz qoldi

Yigit lift ichida yonuvchan suyuqlik yordamida sigaretini tutatmoqchi bo‘ldi va o‘zi yonib ketishiga oz qoldi. Voqea Orenburg shahridagi ko‘p qavatli uylardan birida sodir bo‘lgan, hodisa videokuzatuv kamerasiga tushib qolgan.

Idishdagi suyuqlik bir zumda alanga oldi, ammo uni mana shunday bir zumda o‘chirishning iloji bo‘lmadi.

Yong‘in ichida qolgan inson qandaydir mo‘jiza bilan o‘z qavatigacha ko‘tarilib oldi va tashqariga chiqishga muvaffaq bo‘ldi. 

Ammo olov terida iz qoldirishga muvaffaq bo‘lgan edi – tananing 30 foizi kuydi.