Kolumbiya terma jamoasi Uzbekistan Airways samolyotlaridan foydalanmoqda
Jahon chempionati kunlarida Kolumbiya terma jamoasi futbolchilariga Uzbekistan Airways aviakompaniyasi xizmat ko‘rsatadi. Bu haqda "O‘zbekiston havo yo‘llari" MAK bor jurnali bosh muharriri Baxtiyor Nasimov o‘zining Facebook ijtimoiy tarmog‘idagi sahifasida ma’lum qildi.
Baxtiyor Nasimovning yozishicha, Kolumbiya futbol federasiyasi Rossiyaning Saransk — Qozon-Samara shaharlari bo‘ylab parvoz qilish uchun "O‘zbekiston havo yo‘llari" aviakompaniyasiga buyurtma bergan.
"Sputnik"ning yozishicha, futbolchilarning oilalari, jamoa ma’muriyati va ishqibozlar O‘zbekiston samolyotlarida parvoz qilishadi.
"Darvoqe, ular Barselonadan Qozon shahriga ham bizning "Boing-767"da kelishdi. So‘ngra bizning "A-320"da Qozon-Saransk-Qozon yo‘nalishida uchishdi", deb yozadi Nasimov.