«Bu uzr emas, balki tushuntirish»: Bayden o‘zining bahsdagi mag‘lubiyatini parvozdagi charchoq bilan bog‘ladi

Bayden o‘zining bahsdagi mag‘lubiyatini parvozdagi charchoq bilan bog‘ladi. Demokratik partiyada uning ahvolidan xavotir kuchaymoqda.

«Men xodimlarimga quloq solmadim, men Yerni bir necha marta aylanib chiqdim, keyin sahnada deyarli uxlab qoldim», dedi u seshanba kuni kechqurun Virjiniyadagi marosimida o‘zining sayohatlariga ishora qilib.

«Bu uzr emas, balki tushuntirish», - deya qo‘shimcha qildi u.

Bayden oxirgi marta safaridan 15 iyun kuni, o‘tgan payshanba, 27 iyun kuni munozaradan deyarli ikki hafta oldin qaytdi.

Shuningdek, u o‘z nutqi uchun uzr so‘radi va noyabr oyida bo‘lib o‘tadigan saylovda g‘alaba qozonishi uning uchun juda muhim ekanini aytdi, deb xabar berdi ABC News.

Ayni paytda, Demokratik partiya va uning liberal ommaviy axborot vositalari tarafdorlari ichida 81 yoshli prezidentning salomatligi va kognitiv qobiliyatlari haqida xavotir kuchaymoqda.

Bir kun oldin Texas vakili bo‘lgan demokrat kongressmen Lloyd Doggett munozaradagi halokatli chiqishidan keyin Baydenni iste’foga chiqishga chaqirdi.