Boshqaruv yo‘qotilishi oqibatida avtobus yo‘l chetiga yonboshlab qoldi

Jizzax viloyatining SH. Rashidov tumanida 11 oktyabr kuni Buxoro tumanida yashovchi S.B. boshqaruvidagi «Isuzu» rusumli avtobusini salonida jami 28 nafar yo‘lovchilari bilan «Jizzax-Do‘stlik-Gagarin» yo‘lining 23-km.da haydab ketayotib, boshqaruvni yo‘qotishi oqibatida avtobus yo‘l chetiga yonboshlab qolgan.

IIV Jamoatchilik va OAV bilan aloqalar boshqarmasi bergan xabarga ko‘ra, 3 nafar yo‘lovchi jarohat olib kasalxonaga yotqizilgan hamda qolgan 16 nafar yo‘lovchilarga tibbiy yordam ko‘rsatilgan. Holat yuzasidan surishtiruv ishlari olib borilmoqda.