Allohdan qo‘rqqan boshqadan qo‘rqmaydi
Inson fitratida qo‘rquv hissi mavjud. Hayoti davomida inson ko‘pgina qo‘rquvlarni orttirib oladi. Asosan, biron narsani yaxshi ko‘rish va uni yo‘qotib qo‘yish yoki o‘ziga zarar yetib qolishi ortidan qo‘rquv hissi kelib chiqadi.
Qo‘rquvning salbiy tomonlari ham ko‘p. U insonni xotirjamligini o‘g‘irlaydi, ko‘p ishlarni qilishdan to‘sib qoladi. Lekin shunday qo‘rquv ham borki, u faqat yaxshilikka xizmat qiladi va inson qalbidan boshqa qo‘rquvlarni chiqarib tashlaydi. Bu Allohdan qo‘rqishdir. Inson O‘z Yaratuvchisini tanisa va Undan qo‘rqsa, U buyurgandek hayot kechiradi. O‘zini yomon ishlardan saqlaydi.
Butun borliq ixtiyori faqat Allohning iznida ekanini bilish, yaxshilik ham yomonlik ham faqat Allohdan ekanini va hammasi oxir oqibat yaxshilikka xizmat qilishini his qilish inson qalbiga xotirjamlik bag‘ishlaydi. Bunday inson esa hech narsadan qo‘rqmay qoladi.
